КОРОНАВИРУС БОЮНЧА АБАЛ
Саламаттыкты сактоо жана социалдык өнүгүү министрлиги 5-июлга карата коронавирустан тогуз адам каза болгонун кабарлады. Көз жумгандардын үчөө Бишкекте, Ысык-Көлдө эки киши, Чүй, Ош жана Жалал-Абад облустарында бирден адам. 2020-жылдын март айынан бери 2046 киши оорунун курмандыгы болду.
Бир суткада 1 437 адамда вирус жаңы аныкталды. Алардын басымдуусу — 924 киши Бишкекте.
2020-жылдын март айынан бери жалпы ооругандар 132 070 деп эсептелди.
Ооруканада 4 126 адам, үйүндө 11 589 киши дарыланууда. 176 кишинин абалы өтө оор.
ДЕПУТАТТАР КЕЗЕКСИЗ СЕССИЯНЫ АЧТЫ
Бүгүн, 5-июлда Жогорку Кеңештин бир айлык кезексиз сессиясы ачылды.
Буга чейин айрым депутаттар коронавирус пандемиясынан улам жана учурдагы мыйзамдарды Конституцияга шайкеш келтирүү максатында эмгек өргүүгө чыкпастан кезексиз сессияга чогулууну сунуштаган.
Парламенттин иши 30-июлга чейин регламентке ылайык жүрөт. Тактап айтканда, жуманын дүйшөмбү жана шейшемби күндөрү комитеттердин жыйындары өтөт, шаршемби, бейшембиде сессия болот, ал эми жума күндөрү фракциялар чогулат. Жогорку Кеңештин алтынчы чакырылышы өткөн жумада жайкы эс алууга таркаган эле.
МАЛДЫ ЭКСПОРТТООГО УРУКСАТ БЕРИЛДИ
8-июлдан тартып малды Өзбекстанга жана башка өлкөлөргө сатууга уруксат берилет. Бул тууралуу Айыл чарба жана аймактарды өнүктүрүү министрлигинен билдирди.
«Тоют таңкыстыгынан улам малды сыртка экспорттоого уруксат бердик. Ошол эле учурда тоюттун баасы көтөрүлүп бараткандыгына байланыштуу чөп, байытылган тоют, жүгөрү жана арпаны өлкөдөн чыгарууга толук тыюу салынды», — деп айтылат маалыматта.
Маалым болгондой, Кыргызстандан тоют негизинен Казакстанга сатылат.
Бодо малга жана майда жандыкты экспорттоого салынган тыюу алынарын Министрлер кабинетинин төрагасы Улукбек Марипов да 24-июнда маалымдаган.
2020-жылдын ноябрь айында малды сыртка сатууга убактылуу чек коюлган. Айыл чарба министрлиги муну азык-түлүк коопсуздугу, ургаачы мал-жандыктын азайып жатканы менен байланыштырган. Мындай чектөөлөр айрым фермерлерди нааразы кылган.
Кыргызстанда акыркы жумада COVID-19дун 15 учуру катталды. Бул тууралуу Саламаттык сактоо министрлигинен билдиришти. Маалыматка ылайык, …
Жогорку Кеңештин депутаты Айбек Осмонов Түркияга дарылануу үчүн кеткен. Бул тууралуу ал 28-февралда “Азаттыкка” билдирген. …
«Чет элдик өкүл» мыйзамы чийки болуп калды. Мындай пикирин Жогорку Кеңештин депутаты Эльдар Абакиров билдирди. …
Кыргызстанда бир жумада коронавирус инфекциясынын 3 учуру катталды. Оорулардын алдын алуу жана мамлекеттик санитардык-эпидемиологиялык көзөмөл …
ЖАПАРОВДУН КИТЕБИ ИЛИМДЕР АКАДЕМИЯСЫНА БЕРИЛЕТ Президент Садыр Жапаровдун “Жаңы Кыргызстанды куруунун багыты” аттуу китеби 1500 …
ЖЭБДИ КАЛЫБЫНА КЕЛТИРҮҮ Министрлер кабинетинин төрагасы Акылбек Жапаров Бишкек жылуулук электр борборундагы штаттык эмес кырдаалдын …
