ЭПИДЕМИОЛОГИЯЛЫК АБАЛ
14-октябрга карата таажы илдетинен үч бейтап каза болду. 91 адамдан коронавирус инфекциясы жаңы аныкталды. Былтыр марттан бери Кыргызстанда коронавирус жуктургандардын жалпы саны 179 583 адамга жетти. Пандемия башталгандан бери жалпы 2 627 адам каза болду. Бир күндө 87 адам сакайып чыкты. Бүгүнкү күнү 455 адам ооруканада, 596 бейтап үйүндө дарыланып жатат.
НООКАТ ШААРЫНЫН МЭРИ МЕНЕН МУРДАГЫ СПИКЕРИ КАРМАЛДЫ
Ноокат шаарынын мэри менен Ноокат шаардык кеңешинин экс-спикери камакка алынды. Бул тууралуу Улуттук коопсуздук комитетинин басма сөз кызматы билдирди. Маалым болгондой, 2017-жылдан 2021-жылдын июнь айына чейин Ноокат шаардык мэриясынын адамдары кызмат абалынан кыянат пайдаланышып, шаар бюджетин 15 млн 43 миң 720 сом зыянга учураткан. Учурда кармалган адамдар УКМКнын убактылуу кармоочу жайына киргизилип, күнөөлүүлөрдү жоопко тартуу, зыяндын ордун толтуруу үчүн тергөө иштери жүрүүдө.
НАРЫН ДАРЫЯСЫНАН АДАМДЫН СӨӨГҮ ТАБЫЛДЫ
Нарын дарыясынын жээгинен адамдын сөөгү табылды. Бул тууралуу Өзгөчө кырдаалдар министрлигинин басма сөз кызматы билдирди. Маалыматка ылайык, Нарын облусунун Тоголок Молдо айылындагы Нарын дарыясында белгисиз адамдын сөөгү агып бара жаткандыгы тууралуу маалымат “102” кызматына түшкөн. Белгиленгендей, куткаруучулар саат 20:40да жерине жетип, караңгы кирип кеткендигинде байланыштуу сөөктү издөө бүгүн, 14-октябрь күнү улантылып, сөөктү Нарын дарыясынын жээгинин Жылан-Арык айыл аймагынын тушунан таап, Ак-Талаа РИИБнө өткөрүп беришти.
34 жаштагы Рахима Айкымбаева 4-апрелге караган түнү бир нече жеринен бычакталганы маалым болду. Кылмышка шек …
Бишкек шаарынын Чүй проспектисиндеги «Таалай» базарынын жанында жол кырсыгы катталды. Бул тууралуу күбөлөр билдирди. Маалыматтар …
Сокулукта маршрутканын айдоочусу өспүрүмдү сүзүп, ал окуя болгон жерде каза болгон. Маалыматты Чүй облустук ички …
Ысык-Көл облусунун Чырпыкты айылында жол кырсыгынан 3 адам каза болду. Бул тууралуу Жол кыймылынын коопсуздугун …
Өлкө аймагында акыркы суткада 11 өрт кырсыгы катталды. Бул тууралуу ӨКМ кабарлады. Тилсиз жоону өчүрүүгө …
Бишкекте эки автобустун ортосунда калган жеңил унаанын сүрөтү тарады. Күбөлөрдүн айтымында, жол кырсык Жибек Жолу …
