Сот Садыр Жапаровду актады

6 Тогуздун айы 2020 20:19 Бишкек Govori.TV

10 жылга эркинен ажыратылган экс-депутат Садыр Жапаровдун иши Жогорку сотто каралып, баардык мурунку үч инстанциянын чечимдери жокко чыгарылды. Бул тууралуу Govori.TVга соттогу өздүк булактар билдирди.

Анын айтымында, Жапаровдун иши 6-октябрда, кечинде сотто жаңы ачылган жагдайлар менен каралды. Сот буга чейинки чечимдердин баары жокко чыгарып, чечимди Башкы прокуратурага жөнөттү. Кошумчалангандай Башкы прокуратура Жапаровго карата болгон ишти толугу менен жаап салуусу мүмкүн.

Белгилей кетсек, Жогорку Кеңештин мурдагы депутаты Жапаров «2013-жылы Караколдо митинг уюштуруп, Ысык-Көлдүн губернатору Эмилбек Каптагаевди барымтага алган» деген айыптын негизинде 2017-жылы кармалган.

Ал эми 5-октябрда шайлоонун жыйынтыгына нааразы болгондордун акциясында башаламандык орун алып, митингчилер Ак үйдү басып алышкан. Андан соң алар камактагы Садыр Жапаров баш болгон бир катар саясатчыларды бошотушкан.

Абактан чыгарылган Жапаров аянтка келип, эл менен жолугуп, ЖК депутаттарын тез арада чогулуусун жана убактылуу өкмөт башчынын милдетин аткаруучу адамды шайлоосун талап кылып, мыйзам талаасында чечүү керектигин айтты.

Ал эми айрымдар Жапаровдун өзүн премьер-министр болуусу керектигин билдиришкен. Учурда депутаттар “Достук” мейманканасына кезексиз жыйынга чогулушуп, Жапаровду убактылуу өкмөт башчылык кызматка талапкерлигин карап жатканы айтылган.

Теги: