2022-жылдын сегиз айында Орусиядан рекорддук сандагы мигранттар чыгып кеткени катталды. Бул тууралуу Орусиянын Статистика боюнча федералдык кызматынын маалыматтарын анализдеп чыккан «Можем объяснить» телеграм-каналы кабарлады.
Расмий маалыматтарга ылайык, январдан августка чейин Орусияга 444 миң мигрант барса, 506 миң мигрант чыгып кеткен. Натыйжада чыгып кеткендердин саны киргендерге караганда 62,5 миңге көп болгон.
Адистер мындай көрсөткүч мурдагы жылдары, ал тургай коронавирус пандемиясы күчөп турган маалда да катталбаганын билдиришет. 2020-жылы тескерисинче өлкөгө киргендердин саны чыгып кеткендерге караганда 68,8 миңге көп болгон. 2021-жылы келген мигранттар чыгып кеткендерге салыштырмалуу 212,3 миңге көп катталган.
Мигранттардын чыгып кетүүсүндө быйыл үч өлкө биринчи орунду ээлеген. Жыл башынан бери армениялык 15,7 миң, кыргызстандык 14 миң, өзбекстандык 13,7 миң адам Орусиядан чыгып кеткен.
Статистикалык маалыматтарга ылайык, мекенине кайткан тажик мигранттардын саны буга караганда азыраак. Ошол эле маалда Тажикстандан Орусияга келгендер да быйыл мурдагы жылдарга караганда кыскарган.
Орусиянын президенти Владимир Путин октябрда азыркы миграциялык саясат концепциясын кайра карап чыгууну сунуштаган. Ал жаңыланса мигранттар арасында текшерүүлөр күчөй турганы айтылган.
Тышкы иштер министрлиги (ТИМ) Кыргызстандын жарандарына жүйөлүү себептер болбосо Орусияга барбай турууну сунуштады. ТИМдин 2-майда …
Чет элдиктер үчүн тил сынагын өткөрүүгө укугу бар 12 университеттин баары коммерциялык өнөктөштөр менен келишимин …
Кыргызстандын Тышкы иштер министрлиги (ТИМ) Москвада маңзат сатууга шек саналып кармалган Кыргызстандын жараны Нурмухаммед Токобаевдин …
Кыргызстандын Тышкы иштер министрлиги (ТИМ) Орусияда «Крокус Сити Холлдогу” кандуу кол салуу жөнүндө сүйлөшкөнү үчүн …
Тажикстандын Орусиядагы элчилигине караштуу Коомдук кеңеш тажик жарандары үчүн билдирүү таратып, чет өлкөлүктөр үчүн Орусиянын …
2024-жылдын 25-мартында Кыргыз Республикасынын Тышкы иштер министри Жээнбек Кулубаев кесиптеши, Россия Федерациясынын Тышкы иштер министри …
