Жогорку Кеңештин депутаты Алтынбек Сулайманов коронавирустун дарыгерлерге жайылышына байланыштуу Өкмөттү сындады.
«Медициналык кызматкерлер эч кандай коргонуучу каражаттары жок байланышса албетте ооруйт. Буга ким күнөөлү? Буга албетте, премьер-министр менен финансы министрлиги күнөөлү. Себеби, былтыркы жылы бюджеттен 1 млрд. сом «остатка» калды. Бюджетти сиз аткарган жоксуз. Саламаттыкты сактоо министрлигине толук каржы болгон жок. Быйылкы жылы 497 млн сомду өз убагында берген жоксуңар. Ошондуктан медкызматкерлер ушундай ооруга чалдыкты» , — деди Сулайманов.