Бүгүн, 11-январда Бишкек шаарындагы өкмөт үйүнүн алдына Жалал-Абад облусуна караштуу Сузак районунан келген жаран жалгыз пикетке чыгып, президент Садыр Жапаровго кайрылуу жасады.
Майрам Тешебаеванын айтымында, анын үйү мыйзамсыз түрдө сатылып кеткен.
«Ушул маселе боюнча 5 жылдан бери кайрылбаган жерим калган жок, бирок натыйжа чыкпай келет. Соттордун мыйзамсыз чечимдеринен улам көчөдө калдым, үйүмдү кайтарып бериңиз»,-деди Тешебаева.