Түркиянын тышкы иштер министри Хакан Фидан 8-9-январда Кыргызстанга расмий сапар менен келет. Бул тууралуу министрликтин маалымат кызматы кабарлады.
Маалыматка ылайык, Хакан Фидан Тышкы иштер министри Жээнбек Кулубаевдин чакыруусу боюнча келет.
Расмий сапардын алкагында кыргыз-түрк кызматташтыгын мындан ары кеңейтүү маселелерин талкуулоо үчүн жогорку жана эң жогорку деңгээлдеги жолугушуулар, ошондой эле биргелешкен стратегиялык пландаштыруу тобунун биргелешкен алтынчы жыйынын өткөрүү пландалган.
