Түркмөнстанда июнь айынын башында буудай түшүмүн жыйноо расмий түрдө башталат. “Азаттыктын” түркмөн кызматынын Мары облусундагы кабарчысы билдиргендей, аймакта буудай жыйноо азыр эле башталды.
Жерди ижарага алган дыйкандар буудай али быша электигин, бийлик түшүмдү чийки бойдон чогултууга мажбурлап жатканын билдиришүүдө.
“Буудай жыйноого кириштик, бирок ал али быша элек. Буудай чийки болгондуктан, кабыл алуу жайларында буудайдын тоннасын же килограммын азайтып коюушууда”, -деди мургаптык дайкандардын бири.
Буга байланыштуу дыйкандар талаага комбайн киргизүүгө каршы болушууда.
“Мен айылдык кеңештин төрагасына комбайнды талаама киргизбей турганымды айттым. Себеби өткөн жылы алты тонна буудай чогулткам, бирок кабыл алуу жайында эки тоннасын кемитип коюшкан. Мен буудай кургагандан кийин гана аны чогултууга киришеримди айттым. Төрага болсо буудай кургаганга чейин аны чымчыктар жеп коет деп жатат. Бул маселени ал эмес, администрация чечет экен”, — деди марылык дыйкан.
13-майда Түркмөнстан президенти Сердар Бердымухамедов буудай түшүмүн жыйноону уюштуруу боюнча мамлекеттик комиссия түзгөнүн жарыялаган.
Түркмөн бийлиги быйыл 1 миллион 400 миң тонна буудай түшүмүн жыйноону пландап жатат.
Түркмөнстанда бир нече жылдан бери ун жана нан тартыш. Мамлекеттик дүкөндөрдө таң агара электе узан кезек пайда болору жөнүндө маалымат байма-бай жарыяланып келет.
Кызмат өтөө шарттарынын оордугунан улам Түркмөнстандын Куралдуу күчтөрүнөн офицерлердин жапырт кетүүсү байкалууда. Бул тууралуу «Азаттык» …
Түркмөнстандын Балкан облусундагы бир нече мамлекеттик ишкананын жумушчулары 4-5 айдан бери маяналарын ала элек. Бул …
Түркмөнстандын баш калаасы Ашхабад шаарындагы инфекциялык ооруканаларда кызылча (корь) менен ооруган балдар көбөйүүдө. Бул тууралуу …
Түркмөнстандын Балкан облусунда 25ке жакын адам түз эле аэропорттон аскерге чакырылды. Алар Орусиянын Саратов мамлекеттик …
Түркмөнстандын баш калаасы Ашхабад шаарында кайрадан VPN орноткон жарандар кармалып, айрымдары 15 суткага камакка алынууда. …
Министрлер кабинети буудай жана буудай унун өлкөдөн ташып чыгууга убактылуу тыюу салган токтом кабыл алды. …
