Таэквондочулар эл аралык турнирде 20 медалга ээ болушту. Бул тууралуу мэриянын маалымат кызматы кабарлады.
Р. Санатбаев атындагы олимпиадалык резервдеги адистештирилген балдар-өспүрүмдөр мектебинин тарбиялануучулары олимпиадалык WT таэквондо боюнча «DREAM CUP OPEN 2023» эл аралык турниринин жеңүүчүлөрү болушту.
«Спортчулар 5 алтын, 4 күмүш жана 11 коло медалга ээ болушту»,-деп жазылат маалыматта.
Белгилей кетсек, мелдеш 15-17-декабрь күндөрү Казакстандын Алматы шаарында өткөн. Ага Казакстан, Өзбекстан жана Кыргызстандан 1200гө жакын спортчу катышты.
