Талас шаарынын билим берүү тармагында жана Эсептөө палатасында коррупциялык схема аныкталды, деп билдирет КР УКМКнын басма сөз кызматы.
Маалыматка ылайык, УКМК тарабынан Талас облусунун аймагындагы коррупциялык факторлорду жана шарттарды жоюу боюнча жүргүзүлүп жаткан ыкчам-издөө иш-чараларынын жүрүшүндө Талас облусунун билим берүү тармагындагы жана КР Эсептөө палатасынын кызмат адамдарынын дагы бир коррупциялык схемасы аныкталды.
Талас шаардык билим берүү бөлүмүнүн айрым кызмат адамдары каржылык жана башка мыйзам бузууларды жашыруу максатында жалпы билим берүүчү мектептердин жана бала бакча окуу жайларынын директорлорунан финансылык текшерүү органдарынын өкүлдөрү тарабынан аудитти формалдуу жүргүзүүсү үчүн берүүгө мыйзамсыз акча каражатын чогултууну уюштурушкан.
Тактап айтканда, Эсептөө палатасынын Бишкек шаары, Чүй жана Талас облустары боюнча аймактык бөлүмүнүн мамлекеттик инспектору А.Ш.У (пара алгандыгы үчүн) жана Талас шаардык, райондук билим берүү бөлүмүнүн башчысы О.Б.К. (пара бергендиги үчүн) ири өлчөмдөгү параны берүү жана алуу фактысы боюнча кармалды.
Учурда бул кызмат адамдары кармалып, убактылуу кармоочу жайга киргизилип, бул фактыга тиешеси бар башка адамдарды аныктоо боюнча тергөө-ыкчам иш-чаралары уланууда.
Белгилей кетсек, мамлекеттин билим берүү системасынын кызматкерлеринин эмгек акысын жогорулатууга багытталган саясатына карабастан, айрым кызмат адамдары тарабынан жумушка орноштурууда, балдар билим берүү мекемелерине балдарды кабыл алуу процессинде жана ошондой эле бала бакчаларга киргизүүдө акча өндүрүү фактылары уланууда.
УКМК эгерде ушул сыяктуу мыйзам бузуу фактылары аныкталса атайын кызматка кайрылууга чакырат, анонимдүүлүккө кепилдик берилет.
Талас районунун аймагында катуу жааган жаандан катталган селдин кесепеттерин жоюу жана башка кечиктирилгис иш-чараларды өз …
22-апрелде нөшөрлөгөн жаандан улам Талас районуна караштуу Беш-Таш айыл аймагынын Көк-Кашат, Кең-Кол айыл аймагынын Ак-Жар …
Бүгүн, 8-апрелден тарта өлкөдө 2024-2025-окуу жылына карата балдарды мамлекеттик жана муниципалдык мектептердин 1-классына электрондук каттоо …
Министрлер Кабинети жалпы орто билим берүү системасын 12 жылдык моделге этап-этап менен көчүрүү жөнүндө чечим …
Талас облусундагы токойдон чыккан өрт толук өчүрүлдү. Бул тууралуу ӨКМден кабарлашты. Маалыматта айтылгандай, 25-март күнү …
“Сапат” эл аралык билим берүү мекемесинде орун алган окуяга байланыштуу балдардын укуктарын коргоо боюнча комиссия түзүлүп, …
