№39 протокол биздин элдин кызыкчылыгына иштебесе Жогорку Кеңеш жокко чыгарат. Бул тууралуу эл өкүлү Камила Талиева билдирди.
Анын айтымында, эл «чек ара качан чечилет?» деген суроону кабыргасынан коюп жатат.
«Чек ара качан чечилет? деген маселени Жогорку Кеңеш дагы кабыргасынан коюп жатат. Эки өлкөнүн президенттери жолугуп, көйгөйдү чечсе. Делимитация жана демаркация иштери 3 айдан бери токтоп калганы кечээ жабык эшик артында айтылды. Парламент 2-февралдагы жыйынында чек ара маселесин жабык карады. Анда Министрлер кабинетинин төрагасынын орун басары, Улуттук коопсуздук комитетинин башчысы Камчыбек Ташиев баштаган жетекчилер маалымат берди. Жол кыргыздын жерине салынсын, өзүбүз тейлейли, кыйынчылыктарга карабай өз каражатыбызга куралы деген сунуштарды айттык. Жолго уруксаат алуу оңой эмес, эки тараптын мамлекет башчылары анын статусун аныктайт. Албетте, бизди Кыргызстандын кызыкчылыгы кызыктырат. №39 протокол боюнча кооптонуу болуп жатат. УКМК жетекчиси Ташиев «жолдун статусу белгиленмейин салынбайт», «коридор берилбейт» деди. Эгерде аталган протокол мамлекеттин кызыкчылыгына каршы иштей турган болсо Жогорку Кеңеш өткөрбөйт. Протокол биздин элдин кызыкчылыгына иштебесе парламент жокко чыгарат. Ошондуктан кооптонууга негиз жок. Биз өткөндөн сабак алышыбыз зарыл. Баягы 275 метр жер тууралуу айта берип, биздин коңшу тарап ушул маселени желек кылып көтөрүү менен өздөрүнүн кызыкчылыгына колдонуп жатат. Али юридикалык күчкө ээ боло элек документти пиар кылуунун кажети жок. Бизге мамлекеттин кызыкчылыгы эске алынбаган документ келсе караманча каршы болобуз»,-деди депутат Талиева.
Бүгүн, 1-апрелде Жогорку Кеңештин Социалдык саясат боюнча комитетинин жыйынында депутат Камила Талиева Саламаттык сактоо министри …
ЖМК мыйзамы жөн мыйзам эмес, ошол себептүү министр өзү келиши керек. Мындай пикирин депутат Камила …
Бүгүн, 22-ноябрда Жогорку Кеңештин жыйынында Министрлер кабинети демилгелеп жаткан “Дары каражаттарын жүгүртүү жөнүндө” Мыйзамдын долбоору үчүнчү …
Фани менен аралашкан далай кишинин башы түрмөгө кетет. Бул тууралуу бүгүн, 3-октябрда өткөн социалдык саясат …
Жогорку Кеңешк персоналдык компьютер сатып алууга конкурс жарыяланды. Бул тууралуу маалымат Мамлекеттик сатып алуулар порталына …
ЧЕК АРАДА КУРМАН БОЛГОНДОРДУН ЖАКЫНДАРЫНА СОЦПАКЕТ Президент Садыр Жапаров Баткенде чек арада курман болгондордун үй-бүлөсүнө …
