Бүгүн Чүй облусунун Кемин районунда УКМКнын Чүй облусу боюнча Кемин райондук бөлүмчөсүнүн жаңы имаратынын расмий ачылыш аземи болуп өттү. Иш-чарага министрлер кабинетинин төрагасынын орун басары — КР УКМК төрагасы Камчыбек Ташиев, президенттин Чүй облусундагы ыйгарым укуктуу өкүлү Канат Жумагазиев, Кемин районунун акими А. Жумаев, башкармалыктын өздүк курамы жана ардагерлер катышты.
Иш-чарада сөз сүйлөгөн Камчыбек Ташиев өлкөдө уюшкан кылмыштуу топтор болбой турганын айтып, «мындан ары Көлбаев, Матраимов деген мафиялар болбойт», — деди.