Азыркы учурда Кыргызстандын мурдагы президенти Сооронбай Жээнбековго карата бир дагы кылмыш иши жок. Бул тууралуу бүгүн, 8-июлда өткөн маалымат жыйында УКМКнын төрагасы Камчыбек Ташиев билдирди.
Сооронбай Жээнбеков жоопко тартылабы деген суроого Ташиев ага каршы азырынча бир дагы иш жок деп жооп берди.
«Эгерде Жээнбековго бир нерсе чыга турган болсо, аны дагы жоопко тартабыз. Бирок азырынча Сооронбай Шариповичке эч нерсе жок, чыга элек», — деди Ташиев.