Ишемби күнү Анжиян облусунун аймагындагы Ташкент-Ош-Анжиян унаа жолунда Isuzu үлгүсүндөгү автобус менен жүк ташуучу унаа кагышып, кырсыктын кесепетинен 3 адам жеринде каза болуп, 38 адам жаракат алган. Бул тууралуу Өзбекстандын Саламаттыкты сактоо министрлигинин басма сөз кызматы билдирди.
Кырсык эртең менен саат 8:10 чамасында болгон. Алдын ала маалыматтарга караганда, автобустун айдоочусу жол эрежесин бузуп, каршы тилкеге чыгып кеткен.
«Ар кандай жаракаттарды алган 38 жүргүнчү Анжиян облусунун Бустан районунун медициналык бирикмесине жеткирилген. Алардын абалы Өзбекстандын Саламаттыкты сактоо министрлигинин көзөмөлүндө»-, деп айтылат маалыматта