Тажикстан парламентинин төмөнкү палатасы Кылмыш кодексине киргизилип жаткан өзгөртүүлөрдү колдоду. Ага ылайык, жашы жете электерге сексуалдык зомбулук көрсөтүү үчүн жаза катаалдаштырылат.
Өзгөртүүлөргө ылайык, Тажикстанда бачабаздар 25 жылга чейин түрмөгө кесилет. Мурда балдарга сексуалдык зомбулук көрсөткөндөргө 7ден 20 жылга чейин эркинен ажыратуу жазасы каралган.
Кылмыш кодексине киргизилген өзгөртүүлөргө түшүндүрмө берген юрист Дилшод Жураев сексуалдык зомбулук үчүн соттолгондор өмүр бою балдарга билим жана тарбия берүү мекемелеринде иштей албай турганын белгиледи.
Тажикстанда сексуалдык зомбулук үчүн жазаны катаалдаштыруу талабы көптөн бери айтылып келет. Өзгөчө 8 жаштагы Руфейда Иноятова мыкаачылык менен өлтүрүлгөндөн кийин активисттер кодексти тезинен өзгөртүүгө чакырышкан. Рудаки райоунун Навобад айылынын жашоочусу, 8 жаштагы Руфейда 2021-жылы 4-июлда өлтүрүлгөн. Кийинки күнү укук коргоо кызматкерлери анын зордукталган жана жиликтенген сөөгүн табышкан. Кылмышты 30 жаштагы Рахматулло Гадоев жасаган жана өмүр бою эркинен ажыратылган.
Тажикстандын Акыйкатчы кеңсесинин маалыматына караганда, 2019-2021-жылдар аралыгында жашы жете электерди зордуктаган 45 учур расмий катталган. Өлкөдө балдарды зордуктоо фактысы көп учурда алардын жакындары тарабынан жашырылып келет.
Кочкор-Атадагы окуяга байланыштуу кызматтык иликтөө жүрүп, жыйынтыгында министрликтин буйругу чыккан. Анын негизинде Жалал-Абад облустук ички …
Тажикстандын Орусиядагы элчилигине караштуу Коомдук кеңеш тажик жарандары үчүн билдирүү таратып, чет өлкөлүктөр үчүн Орусиянын …
Тажикстанда 2023-жылы «балдарды окутуу жана тарбиялоо боюнча милдеттерин аткарбаган» ата-энелерге 14 миң 126 административдик иш …
23-январга караган түнү Тажикстандын чек ара офицери, 29 жаштагы Бузургмехр Умаров Исфара ооруканасында каза болгону …
Тажикстанда аялдар зомбулуктун ар кандай түрүнө кабылышат. Бул тууралуу БУУнун Өнүгүү программасынын Тажикстандагы кеңсеси жүргүзгөн …
11-октябрда Тажикстандагы май куюучу жайларда суюлтулган газдын бир литринин баасы 7 сомониден ашты. Эки күн …
