Өтмөк ашуусундагы сел суулары токтотулуп, жол калыбына келтирилип жатат. Бул тууралуу Өзгөчө кырдаалдар министрлигинен билдиришти.
“4-май күнү тазалоо иш-чараларынын натыйжасында сел суулары токтотулуп, унаа жол калыбына келтирилген”, — деп айтылат маалыматта.
Суусамыр-Талас-Тараз унаа жолунун 11-чакырымында (Өтмөк ашуусу) кечээ, 3-май күнү саат 19:30дар чамасында кар эрип, сел жүргөн. Айдоочулар билдиришкендей, унаалардын жүрүшүнө кыйынчылык жаралган.