25-26-27-январь күндөрү “GOVORI.TV” агенттиги медиа айдыңындагы “Кыйын” телевизиондук ток-шоусунун алкагында Кыргызстандагы айымдардын лидерлик дараметин калыптандыруу максатында онунчу тренингин өткөрдү. Ага өлкөбүздүн булуң-бурчунан айылдык кеңештин депутаттары, мугалим, жарандык активист, жеке ишкер жана мамлекеттик кызматкерлер келген.
Алардын бири Кара-Балта шаарынан келген 20 жаштагы Ботагоз Токманбетова.
«Кесибим мугалим. Ошол эле учурда ыктыярчы болуу менен коомдук иштерге дагы активдүү катышып жүрөм. Келечекте жергиликтүү кеңешке депутат болуу планымда бар»,-деди ал.