Өз жанын кыюуга аракет кылган эркек киши куткарылды. Бул тууралуу Өзгөчө кырдаалдар министрлигинин басма сөз кызматы кабарлады.
Маалыматка ылайык, бүгүн 19-ноябрда саат 15:07де Токмок шаарынын Жантаев көчөсүндө жайгашкан толук курулуп бүтө элек 9 кабаттуу имараттан эркек киши секирип өз өмүрүн кыюуга аракет кылып жаткандыгы тууралуу маалымат келип түшкөн. Куткаруу ишине 5 куткаруучу тартылып, ИИМ кызматкерлери менен биргеликте сүйлөшүү жүргүзүшкөн.
Сүйлөшүүлөрдүн натыйжасында боюн таштайм деген жаран тушүрүлүп, ИИМ жана тез жардам кызматкерлерине өткөрүлүп берилген.