Жалал-Абад облусунун Токтогул районундагы Бишкек-Ош унаа жолунун 286-чакырымы, Токтогул шаарында Honda Logo жеңил унаасы менен VOLVO оор жүк ташуучу унаалары кагышкан жол кырсыгы катталды. Бул тууралуу бүгүн, 20-апрелде Өзгөчө кырдаалдар министрлигинин басма соз кызматынан билдиришти.
Маалыматка караганда, кырсыктын кесепетинен 5 адам ар кандай жаракат алган.
Куткаруучулар жеткенге чейин жабыркаган жарандарды жолдо бара жаткан жарандар өздөрүнүн унаалары менен райондук ооруканага жеткиришкен. Жерине ӨКМдин Токтогул райондук №97 өрт өчүрүү- куткаруу бөлүгүнөн 4 куткаруучу тартылган.