Учурда Жогорку Кеңештин жалпы жыйынында депутаттар шайлоо босогосун 7 пайызга түшүрүү боюнча мыйзам долбоорун талкуулап жатышат.
Мындан улам депктаттардын ортосунда талаш жаралып, талкуу болуп жаткан маалда Өмүрбек Бакиров чыгып сүйлөп, депутаттары күлдүрдү.
«Мен ушул мыйзамдын демилгечилеринин биримин. 7 пайыздык босогону коомчулук каалаганы үчүн алып чыгып жатабыз. Бул жерде популист болуп кыйкырбай, 2017-жылы 9 пайыздык чек кабыл алынып жатканда «5 пайызга түшүрөлү» деп кыйкырбайт белеңер. Ошондуктан бул жерде тукумдан, кыр издебеш керек», — деди депутат.
Бакировдун бул сөзүнөн кийин жыйында отургандар күлүп жиберишти. Ал эми төрага Дастан Жумабеков «жакшы болду, көңүлдү көтөрүп койдуңуз» деп тамашалады.