Megacom
  • Бейшемби 9 Куран 2020

УКМК: “Вентус” коомдук бирикмесинин жетекчиси алдамчылыкка шектелип кармалды

30 мая 2020 в 15:24 Бишкек Govori.TV


“Вентус” коомдук бирикмесинин жетекчиси кармалды. Бул тууралуу Улуттук коопсуздук мамлекеттик комитетинин басма сөз кызматы бүгүн, 30-майда маалымат таратты.

Мекеменин маалыматына ылайык, УКМК тарабынан ыкчам-тергөө иш-чараларынын жүрүшүндө документтерди жасалмалоо фактысы боюнча Ысык-Көл областында “Вентус” коомдук бирикмесинин жетекчиси, 1963-жылы туулган Рузиев Камилжан Якупович кармалган.

“Кармалган адам Каракол ШИИБинин убактылуу кармоочу жайына киргизилди. Азыркы учурда УКМК бул кылмышка катыштыгы бар башка адамдарды тактоо боюнча ыкчам-тергөө иш-чаралары жүрүп жатат”,-деп айтылат маалыматта.

Ошондой  эле бул факт сотко чейинки өндүрүштүк материалдар КР Кылмыш-жаза кодексинин 359-беренесинин 2-бөлүмү (документтерди жасалмалоо) жана 204-беренеси (алдамчылык) боюнча кылмыштардын жана жоруктардын бирдиктүү реестрине катталган.

К.Рузиевден жабыркагандар болсо КР УКМК Ысык-Көл областтык башкармалыгынын 03922 51180 жана КР УКМК Нөөмөт бөлүмүнүн 0312 660475 телефондоруна кайрылсаныздар болот.

Количество просмотров: 59