2021-жылдын 24-октябрь күнү Түркиянын Стамбул шаарында Кыргыз Республикасынын ички иштер министри Улан Ниязбеков Түркиянын ички иштер министри Сулайман Сойлу менен жолугушуп, эки тараптуу кызматташтык маселелерин талкуулашты. Бул тууралуу ИИМдин басма сөз кызматы билдирди.
Маалыматка ылайык, жолугушуу учурунда Улан Ниязбеков Кыргызстан менен Түркиянын ортосундагы бир туугандык мамилелерди баса белгилеп, ошондой эле тарыхы, тили жана маданияты бирдей болгон эки өлкөнүн башчыларынын эки тараптуу мамилелерди өнүктүрүүдөгү баа жеткис эмгегин айтып өттү.
Ошону менен бирге, ал Кыргыз Республикасы менен Түркиянын Ички иштер министрликтеринин ортосундагы кызматташтыктын өсүшүнүн оң динамикасын белгилеп, Кыргызстандын ИИМнин тутумунда жүргүзүлүп жаткан реформа тууралуу маалымат берди. Айрыкча маалыматтык технологияларды жана автоматташтырууну ишке киргизүүгө өзгөчө басым жасалганын маалымдады.
Мындан тышкары, ИИМдин жетекчиси түркиялык кесиптешине Түрк полициясынын укук бузууну алдын алуудагы, кылмыштуулукка каршы күрөшүүдөгү тажрыйбаларын, заманбап техниканы колдонуудагы жетишкендиктерин Кыргызстандын ички иштер органдарынын кызматкерлерине окутуп-үйрөтүү мүмкүнчүлүктөрүн карап чыгууну сунуштады. Анткени, кылмыштуулуктун алдын алууда жана ага каршы күрөшүүдө акыркы технологияларды киргизүү жана колдонуу боюнча башка өлкөлөрдүн тажрыйбасын үйрөнүү пайдалуу болот.
Өз кезегинде, Түркиянын ички иштер министри Сулайман Сойлу кылмыштуулук менен күрөшүүдө министрликтердин ортосундагы кызматташтыктын жана карым-катнаштын маанилүүлүгүн белгилеп, ошондой эле эки өлкөнүн ведомстволорунун ортосундагы кызматташтык жөнүндө Макулдашууга кол коюу процессин тездетүүгө даярдыгын билдирди.
Жолугушуу жылуу жана достук мамиледе өттү.
ИИМдин Кылмыш иликтөө башкы башкармалыгынын кызматкерлери тарабынан мындан 9 жыл мурун жасалган өзгөчө оор кылмыштын бети …
Ички иштер министрлиги депутат Айгүл Айдарованын министр Улан Ниязбековдун дарегине айткан сындары тууралуу комментарий берип, …
Ички иштер министрлиги ала качуу кылмыш экенин эскертти. Жашы жете элек өспүрүмдөрдү мажбурлоо менен никеге …
“Элдик” депутаттык тобунун лидери Акылбек Түмөнбаев баштаган депутаттар Аманкан Кенжебаев жана Жалолидин Нурбаев Кыргызстандагы сүт …
Кочкор-Атадагы окуяга байланыштуу кызматтык иликтөө жүрүп, жыйынтыгында министрликтин буйругу чыккан. Анын негизинде Жалал-Абад облустук ички …
Эл аралык издөөдө жүргөн Р.Т. аттуу жаран үстүбүздөгү жылдын 13-мартында милиция кызматкерлери тарабынан кармалды. Бул …
