Улуттук банктын мурдагы төрагасы Мелис Турганбаев кармалды. Бул тууралуу Kaktus.media өздүк булактарына таянып жазды.
Маалыматка ылайык, ал ИИМдин башкы тергөө кызматына «Кыргызнефтегаз» иши боюнча суракка чакыртылып, андан соң кармалган.
Эске салсак, буга чейин «Кыргызнефтегаз» ишканасындагы коррупцияга шектелип 4 адам кармалган, алар 16-майга чейин №1 тергөө абагына камакка алынган.