“GOVORI.TV” мультимедиялык маалыматтык агенттиги медиа айдыңындагы “Кыйын” аталышындагы телевизиондук ток-шоусунун алкагында Кыргызстандагы айымдардын лидерлик дараметин калыптандыруу максатында тренинг өткөрдү. Ага өлкөбүздүн 7 дубанынан алдыңкы айымдар келген. Алардын Уулкан Дүйшөева 34 жашта.
Уулкан айым Баткен шаарынан келген, 3 баланын энеси
«Кесибим боюнча журналистмин. Ошондой эле медиаторлук жаатында дагы иш алып барам. Акыркы мезгилде аялдарга карата зордук-зомбулуктун күчөгөнү менин эле эмес, баардык эле адамдын жүрөгүн өйүтүп жатат. Буга байланыштуу мусулмандар айымдар клубун түптөп, аялдарга өзүн-өзү өнүктүрүү боюнча окутууларды өткөрүп келебиз. Аял кишинин жүрөгү билимге сугарылса, коомдо ордун табат. Бул тренингден лидерлерлик сапатты күчөтүү боюнча билим алгым келет»,-деди ал.