Бишкектин Ош базарында чөнтөкчүлөрдүн ууру кылып жаткан учуру видеого түшүп калган. Тартылган видео социалдык тармактарда тарап, анда көрүнүп тургандай бир киши менен бир аялдан турган уурулар тобу аялдын сумкасынан капчыгын алып коюшкан.
Бишкек шаардык милициясынан билдиргендей уурулук кылган шектүү эки жаран кармалды. «Чөнтөкчүлөр» видео тараган күнү эле кармалганы айтылды.
Учурда тергөө иш-чаралары жүрүп жатат.