Вице-премьер-министр Эльвира Сурабалдиева бюджеттин каражатын үнөмдөө үчүн 3 аткаминерди Түркияга болгон иш сапарга жөнөтпөй койду. Бул тууралуу Сурабалдиева социалдык тармактагы баракчасына жазды.
Анын айтымында, 2021-жылы өтө турган Дүйнөлүк көчмөндөр оюндарын уюштуруу иштери боюнча жолугушуу үчүн 5 адамдан турган делегация Түркияга барууга камынып жаткан. Анын экөөнүн жол чыгымдарын чакырган тарап төлөп, үчөө бюджеттин эсебинен бармак.
«Бюджеттик каражатты үнөмдөө майда нерседен башталат», — деп жазган Сурабалдиева.