Аида Исмаиловага окшош айымдын сулуулук салонуна кирип бара жатканын шаардык тургун видеого тартып алганын Vesti.kg сайты жазды.
Анда видеону тартып алган жаран кечээ жакында эле вице-премьер-министрликке дайындалган Аида Исмаилова Бишкекте киргизилген өзгөчө абал режимин бузуп жүрөбү? деген суроо салган.
«Вице-премьер карантиндин талаптарын бузууда, сулуулук салонуна кирип кетти»,-деп билдирген ал.
Видео материалдан Аида Исмаиловга түспөлдөшкөн кара чачтуу айым сулуулук салонуна кирип баратканын көрүүгө болот. Автордун айтымында видео 22- апрелде болжолдуу саат 10:30да Токтогул жана Турусбеков көчөлөрүнүн кесилишинде тартылган.