• Ишенби 24 Бирдин айы 2024
  • Суббота 24 Февраль 2024

Wolt компаниясынын курьерлери маянаны жогорулатууну талап кылышууда

17 января 2024 в 9:14 Бишкек Govori.TV

16-январда Алматыдагы Wolt компаниясынын башкы кеңсесине 50гө жакын жеткирүү кызматынын курьерлери кайрадан чогулуп, айлык акыны жогорулатууну талап кылды. Бул тууралуу жергиликтүү басылмалар кабарлашты.

«Биз канча чакырым жүргөнүбүзгө жараша эмгек акы төлөөнү талап кылабыз. Азыр ал 40 пайызга чейин кыскарды. Талаптарды асмандан алган жокпуз», — деди курьерлердин бири.

Сүйлөшүүлөрдүн жыйынтыгында курьерлердин өтүнүчү Финляндиядагы башкы кеңсеге жөнөтүлгөнү, жооп 23-январда берилери айтылды. Курьерлер компания маселени чечүүнү создуктуруп жатканын билдиришти.

Курьерлер Wolt компаниясынын кеңсесине 15-январда да чогулушкан. Алар айлык акыны жогорулатууну жана бонустук системаны киргизүүнү талап кылышкан. Ушундай эле талаптар менен Астана жана Актау шаарларында да ондогон курьерлер чогулган.

Количество просмотров: 83