Казакстандын Башкы прокуратурасы Январь окуяларына байланыштуу кармалгандарга мунапыс берүү тууралуу мыйзам долбоорунун алкагында иштелип чыккан документти коомдук талкууга алып чыкты.
23-сентябрда «Ачык нормативдик-укуктук документтер» порталына жарыяланган документке ылайык, 1 500дөн ашык кишиге ырайым берилиши мүмкүн. Алар: 391 кылмыш иши боюнча шектелип жаткан 383, иши сотто каралып жаткан 102, соттолгон 1035, анын ичинде түрмөгө камалган 93, эркинен ажыратууга байланышпаган жаза алган 930, коомдук жумуштарды аткарууга милдеттендирилген тогуз жана айып пул салынган үч киши.
Прокуратура жеңил жана анча оор эмес кылмыштарды жасагандарды толугу менен кылмыш жоопкерчилигинен бошотууну, ошондой эле оор жана өзгөчө оор кылмыштарга күнөөлүү деп табылгандардын жаза мөөнөтүн кыскартууну сунуштоодо.
Документте белгиленгендей, «мамлекетке чыккынчылык кылуу, жапырт башаламандык уюштуруу, кыйноо көрсөтүү, ошондой эле коррупциялык, террористтик жана экстремисттик кылмыштарды жасагандарга» ырайым берилбейт. Документ 14-октябрга чейин талкууга коюлду.
Казакстандын президенти Касым-Жомарт Токаев 1-сентябрда парламенттеги кайрылуусунда Январь окуясы боюнча кармалгандарга бир жолку мунапыс берилерин убада кылган. Анда ал мунапыска канча киши илинерин жана «башкы фигуранттардын» ысымын айткан эмес.
Эске салсак, быйыл 2-январда Маңгыстау облусунда жана Жаңы-Өзөн шаарында суюлтулган газдын баасын арзандатууну талап кылган митингдер болгон. Кийин өлкөнүн башка аймактарына жайылып, саясий өңүт алган акциялар Алматы шаарында ири башаламандык менен коштолгон. Бир нече шаарда акцияга чыккандарды аскерлер жана полиция кызматкерлери күч менен басып, 238ден кем эмес киши каза болгон.
Казакстанда ири суу ташкындары башталгандан бери 99 869 адам, анын ичинде 36 591 бала эвакуацияланды. …
Казакстан расмий түрдө UTC+5 бирдиктүү убакыт алкагына өттү. Буга чейин ага өлкөнүн батыш аймактары: Батыш …
Казакстандын президенти Касым-Жомарт Токаев өлкөнүн Улуттук банкынын башчысы Галымжан Пирматовду кызматтан алды. «Казатомпром» компаниясынын башкармалыгынын …
2022-жылы январда полиция бөлүмүндө каза болгон Елдос Калиевди кыйноого алууга айыпталган Семей шаардык полиция департаментинин …
Казакстандагы уюшкан кылмыштуу топтун издөөдө жүргөн мүчөсү Бишкектин аймагынан кармалды, деп билдирет УКМКнын басма сөөз …
Костанайда төрт адамдын өмүрүн алган курал-жарак дүкөнүндөгү жарылуу боюнча сот өкүмү чыкты. Бул тууралуу жергиликтүү …
