Бишкек. 02.08.2018.Govori.TV.
Кечээ Ысык-Көл облусунда дагы 2 адам сууга чөгүп кетти. Бул тууралуу ӨКМдин басма сөз кабарлады.
Маалыматка ылайык алардын биринин денеси табылып, экинчиси изделип жатат. Болжол менен саат 20:30 чамасында Бостери айылындагы «Золотые пески» пансионатында 1977-жылы туулган эркек киши көлгө чөгүп каза болгон. Куткаруучулар маркумдун денесин суудан алып чыгып, ИИМдин кызматкерлерине өткөрүп беришти. Ошондой эле, 1995-жылкы жаш жигит сууга чөгүп, ӨКМге маалымат келип түшкөн, алардын ыкчам тобу издөө иштерин жүргүзгөн. Бирок, сууга чөккөн жаран табылган эмес. Бүгүн дагы издөө иштери улантылып жатат.
