Кытай Эл Республикасынын жараны, Кусейин Карасаев атындагы Бишкек мамлекеттик университетинин 3-курсунун студенти, 22 жаштагы Сай Тун изделүүдө. Бул тууралуу ӨКМ кабарлады.
Маалыматка ылайык, кытайлык жаран 24-июль күнү Ак-Суу районунун Ала-Көл жайлоосуна чыгып кеткен боюнча кайрылып келбегендиги тууралуу маалыматты 18-августта Ысык-Көл облустук ИИБнен Өзгөчө кырдаалдар министрлигинин Ысык-Көл облустук башкармалыгына атайын кат аркылуу билдиришкен.
«Жерине 4 куткаруучу тартылып, облустук милиция кызматкерлери менен биргелекте издөө иштерине жөнөп кетишти»,-деп айтылат маалыматта.
Издөө иштери тууралуу кошумча маалымат берилет.