Ысык-Көл облустук капиталдык курулуш башкармалыгы мамлекетке 14 млн сом зыян келтирген. Бул тууралуу Башкы прокуратуранын басма сөз кызматы билдирет.
Маалыматка ылайык, Ысык-Көл райондук прокуратурасы тарабынан Ысык-Көл облустук капиталдык курулуш башкармалыгында Сары-Ой айылындагы “А.” ден соолукту чыңдоо комплексине бөлүнгөн бюджеттик каражаттардын пайдаланылышынын мыйзамдуулугу текшерилди.
Текшерүүнүн жүрүшүндө башкармалыктын кызмат адамдары мыйзам талаптарын одоно бузуп “О.Т.С.” ачык акционердик коому тарабынан тапшырылган актыларда көрсөтүлгөн иштин көлөмүнүн аныктыгын текшербестен, акча каражаттарды төлөп жүрүшкөндүгү аныкталган. Ошондой эле курулуш ишканасы тарабынан курулуш иштери толук аткарылбай, бюджеттик каражаттар мыйзамсыз которулуп берилип келген.
Жыйынтыгында Ысык-Көл облустук капиталдык курулуш башкармалыгынын кызмат адамдарынын мыйзамсыз аракеттеринен улам мамлекетке 14 млн 75 миң 533 сом зыян келтирген.
Аталган факты боюнча райондук прокуратура тарабынан Кылмыш-жаза кодексинин 337 (кызмат абалын кыянаттык менен пайдалануу), 210 (ишенип берилген мүлктү ыйгарып алуу же коротуу) жана 379 (документтердин жасалмасын жасоо) беренелери менен кылмыш иш козголуп, учурда тергөө амалдары жүргүзүлүүдө.
1-апрелден тартып «Ысык-Көл айланма жолунун Корумду-Балбай-Баатыр участогунун 104-чакырымынан 184,5-чакырымына чейин реконструкциялоо» долбоору боюнча курулуш иштерин …
Ысык-Көл көлүнүн балык уулоочу тилкелерине 5,7 млн чабак кое берилди. Айыл чарба министрлигинен билдиришкендей, бүгүн …
26-марттан тарта суучулдар Ысык-Көлдү таштандылардан жана балык уулоочу торлордон тазалоо ишин башташты. Өзгөчө кырдаалдар министрлигинин …
Ысык-Көлдө мыйзамсыз курулуп жаткан коттеджердердин курулушу токтотулду. Бул тууралуу Архитектура, курулуш жана турак жай-коммуналдык чарба …
Үстүбүздөгү жылдын 5-18-февраль аралыгында Ысык-Көл облусунун аймагында «Арсенал» рейддик иш-чарасы жүргүзүлдү. Бул тууралуу Ички иштер …
Ак-Суу районунун Теплоключенка айылына Манасчылар паркы курулат. Бул тууралуу Архитектура, курулуш жана турак жай-коммуналдык чарба …
