Ысык-Көлдө скутер айдаган киши 7 жаштагы баланы сүзүп кетти.
Ысык-Көл ОИИБдин маалыматы боюнча, Ысык-Көл районунун Комсомол айылындагы эс алуучу жайда скутер 7 жаштагы баланы сүзүп кеткени тууралуу маалымат 14-июлда келип түшкөн.
Окуя болгон жерге ыкчам-тергөө тобу жөнөтүлгөн. Скутердин айдоочусу Комсомол айылынын 1978-жылы туулган тургуну Д.А. Ал Бостери РИИБине жеткирилген.
Бала райондук ооруканага жеткирилген. Дарыгерлер анын абалын канааттандырарлык деп баалап жатышат.
Тергөөгө чейинки текшерүү иштери башталып, экспертизадар дайындалды.