Журналист, акын Зайырбек Ажыматов кечээ, 29-апрелде көз жумду. Маркум 1-майда жерге берилерин акындын жакындары билдирген.
Белгилүү болгондой, акындын сөөгү Бишкектеги Ала-Арча көрүстөнүнө коюлат.
Маркумдун артында жубайы, 4 баласы (2 уул, 2 кыз) калды.
Зайырбек Ажыматов жарык дүйнөгө 1976-жылы 27-майда Аксы районунун Ак-Жол айылында келген. Калеминен жаралган ырлары «Жалгыздык» (1996-жыл), «Мелмил» (2005-жыл), «Нөлү көп жылдар» (2011-жыл) деген аталыш менен жыйнак болуп басылып чыккан.
