«GOVORI.TV» мультимедиялык маалыматтык агенттиги медиа айдыңындагы “Кыйын” долбоорунун алкагында уюштуруп келген айымдардын лидерлик дараметин арттырууга багытталган тренинг бул жолу Ысык-Көлдө өттү.
Бул окутуу тренингине өлкөнүн түндүк жергесиндеги 21 лидер айым чогулду. Алардын катарында жергиликтүү кеңештин депутаттары, мугалим, жарандык активист жана жеке ишкерлер бар.
Алардын бири Зарема Урдолотова, ал Жети-Өгүз районунун Кызыл-Суу айылынын депутаты. Учурда тигүү тармагында иш алып барып кыргыздын улуттук брендин жайылтуу менен алек болууда.
Урдолотова «Кыйын» долбоору өзүбүздү көрсөтүп, башкалар менен байланыш түзчү аянтча болгонун белгилеп өттү.