Бишкек. 15.07.2019. Govori.TV
Жакынкы күндөрү Жогорку Кеңештин депутаты Зарылбек Рысалиев Кыргыз илимий-изилдөө институтунун санаторийинен үйүнө чыгарылат. Бул туралуу аталган мекеменин кызматкерлери кабарлады.
«Азыр ал жалпы бөлүмдө дарыланып жатат. Өзүн жакшы сезип, өз алдынча басып калды. Бирок, тили толук кандуу калыбына келе элек. 17-июлда үйүнө чыгарабыз»,-деп билдиришти аталган мекемеден.
Эске салсак, 7-июнда Жазаларды аткаруу кызматынын мурдагы башчысы, учурда Жогорку Кеңештин депутаты Зарылбек Рысалиев кримтөбөл Азиз Батукаевдин мыйзамсыз бошотулушуна байланыштуу суракка алынып жаткан учурда ооруканага түшкөн.
