Өзбекстанда мамлекеттик жогорку окуу жайларга (ЖОЖ) кабыл алуу үчүн абитуриенттерди онлайн-каттоо жыл сайын 20-июндан 20-июлга чейин жүрөт. Тиешелүү токтомго өлкө президенти Шавкат Мирзиёев кол койду.
Токтомго ылайык, абитуриенттерди каттоо Интерактивдик мамлекеттик кызматтардын бирдиктүү порталы жана Өзбекстандын Мамлекеттик тестирлөө борборунун сайты аркылуу жүргүзүлөт.
2022-2023-окуу жылына белгиленген квотага ылайык, Өзбекстандагы жогорку окуу жайларга 110 707 абитуриент бакалаврга, 10 688 студент магистратурага кабыл алынат.