Президенттик администрациянын жаңы курулган имаратында иштеген жумушчулар айлыктарын ала албай жатканын айтып чыгышты.
Анда иштеген 150 жумушчу эки айдан бери айлык акысын ала электигин айтып видео кайрылуу жасашкан. Кайрылуу блогер Эламан Карымшаковдун каналына жарыяланган. Жумушчулар “Deluxe Group” менен келишим түзүп иштешкенин билдиришкен.
Президенттин иш башкармалыгынын жетекчиси Каныбек Туманбаев алар тууралуу “Кабар” улуттук маалымат агенттигине төмөндөгүдөй түшүндүрмө берди:
“Интернетте арызданган жумушчулар тууралуу видео кайрылууну мен дагы көрдүм. Биринчиден, жаңы Ак үйдүн курулушу боюнча мамлекет бардык төлөмдөрдү жүргүзүп бүткөн. Башкача айтканда, биздин эч кимге карызыбыз жок. Экинчиден, «Делюкс групп» деген субподрядчы компания тууралуу маселе көтөрүшүптүр. Мен бул компания тууралуу биринчи жолу угуп жатам. Андай компания менен иштешкен эмеспиз, тааныбайбыз дагы. Биз иштешкен компаниялар кандай субподрячы компаниялар менен иштегенин билбейбиз жана аларга тиешебиз жок”, — деди Каныбек Туманбаев.
Ал эми Deluxe Group компаниясынын өкүлү Абдымалик Эрмамат уулу жумушчулардын айлыгы 10-сентябрга чейин төлөнүп берилерин айтты.
Президент Садыр Жапаров «Кабар» агенттигине берген кезектеги маегинде Кыргызстанда чет өлкөлүк жарандарга, айрыкча кытайлык жумушчуларга …
Улуттук коопсуздук комитетинин (УКМК) төрагасы Камчыбек Ташиев атайын кызмат жаңы имаратка көчүп жатканын айтты. «Регион» …
Ала-Тоо аянтында бүгүн, 26-мартта саат 12:00дөр чамасында объектини оңдоп-түзөө иштерин жүргүзүп жаткан курулушчулар мушташа кетишкен. …
Бүгүн, 14-октябрда КР Тышкы иштер министрлиги жаңы дарекке көчүшүнө байланыштуу расмий желек түшүрүү аземин өткөрдү. …
Бишкектеги “Фламинго” паркынын аймагына 2026-жылы ШКУга мүчө өлкөлөрдүн башчылары жолугуша турган конгресс-холл куруу пландалууда. Бул …
Бүгүн, 30-августта Бишкекте президенттик администрациянын жаңы имаратынын ачылыш аземи өттү. Расмий иш-чарага президент Садыр Жапаров …
