Бүгүн, 6-апрелде Жалал-Абад шаарындагы «Эркиндик» аянтында Апрель окуясы эскерилди. Бул тууралуу Жалал-Абад шаардык мэриясынан билдиршти.
Маалыматка ылайык, 2010-жылдагы 7-апрель окуясына арналган эскерүү иш-чарасына облус башчылары, тарыхчылар, студенттер жана апрель окуясынын каармандары катышты. Чогулгандар шаардагы Эркиндик айкелинин алдына гүл чамбар коюп, куран окушту.
«Калаа башчы 7-апрель окуясынан ар бир бийликтин бутагы сабак алып, мындай катачылыктарга жол берилбеши керектигин айтты. Бул күнү жаркын келечек үчүн жанын курмандыкка чалган ар бир баатырдын эмгеги унутулбай турганын баса белгиледи», — деп айтылат маалыматта.
Кошумчалай кетсек, өлкөдө «7-апрель Элдик апрель революциясы» деп аталып, календарда кызыл менен белгиленген.