• Бейшемби 30 Бугу 2024
  • Четверг 30 Май 2024

Жалал-Абадда «Коопсуздук-2023» машыгуусу жыйынтыкталды

27 Чын куран 2023 12:47 Бишкек Govori.TV

КР Куралдуу күчтөрүнүн Генералдык штабы тарабынан 25-27-апрель күндөрү Жалал-Абад шаарынын жана Базар-Коргон районунун аймагында “Кыргыз Республикасынын айрым райондорунда өзгөчө абалды киргизүү шарттарында аскердик башкаруу органдарынын жана мамлекеттик бийлик органдарынын иши” темасында “Коопсуздук-2023” биргелешкен командалык-штабдык жана мобилизациялык машыгуу өткөрүлдү.

Жалал-Абад ОИИБдин малыматына ылайык, бүгүн, 27-апрелде өлкөгө куралдуу кылмышкерлер кол салган учурда, массалык баш-аламандыктар орун алганда күч түзүмдөрүнүн, мамлекеттик органдардын аткара турган жумуштары практика түрүндө көрсөтүлдү.

Практикалык машыгууга Кыргыз Республикасынын Куралдуу күчтөрүнүн Генералдык штабынын начальниги генерал-майор Эрлис Тердикбаев, Ички иштер министринин орун басары милициянын генерал-майору Октябрь Урмамбетов, Кыргыз Республикасынын Жалал-Абад облусундагы ыйгарым укуктуу өкүлү Абсаттар Сыргабаев, Жалал-Абад ОИИБдин начальниги милициянын полковниги Жеӊишбек Абитов катышты.

Кошумчалангандай, машыгууга активдүү катышкандар бир катар сыйлыктар менен сыйланышты.

Количество просмотров: 66