Кыргыз Республикасынын Президенти Садыр Жапаров бүгүн, 5-декабрда, Катар Мамлекетинин Кыргызстандагы Атайын жана Ыйгарым укуктуу Элчиси Али Жабир Мухаммад Аль-Гуфран Аль-Маррини кабыл алды. Бул тууралуу президенттин басма сөз кызматынан кабарлашты.
Эки тарапты кызыктырган түрдүү тармактарда өз ара кызматташтыктын актуалдуу маселелери боюнча пикир алмашылды.
Мамлекет башчысы Элчини Кыргызстандагы дипломатиялык миссиясынын башталышы менен куттуктап, бай дипломатиялык тажрыйбанын жана жеке аракеттердин аркасында кыргыз-катар мамилелери өз ара кызматташуунун жаңы деңгээлине көтөрүлөрүнө ишеним билдирди.
Садыр Жапаров Кыргызстан Катар мамлекети менен эки жактуу мамилелерди өнүктүрүүгө өзгөчө маани берерин жана инвесторлор менен тыгыз кызматташууга ар дайым даяр экенин белгиледи. Ошону менен бирге Министрлер Кабинети ар тараптуу колдоо көрсөтөт.
Өз кезегинде Элчи Али Жабир Мухаммад Аль-Гуфран Аль-Марри Катар Мамлекетинин Эмири Шейх Тамим бин Хамад Аль-Танинин жылуу саламын айтып, өз ара кызыкчылык туудурган бардык тармактарда эки тараптуу кызматташтыкты бекемдөө үчүн болгон күч-аракетин жумшоого даяр экенин билдирди.
Жыйынтыгында тараптар кыргыз-катар көп тараптуу кызматташтыкты бекемдөөгө өз ара даярдыктарын билдиришти.
Президент Садыр Жапаров бүгүн “Үч чоку” кластерин өнүктүрүү планынын бетачарына арналган жумушчу жолугушуу өткөрдү. Мамлекет …
Президент Садыр Жапаров бүгүн кыргыз-тажик чек арасындагы куралдуу кагылышуудан курман болгон жарандарды эскерүүгө байланыштуу кыргызстандыктарга …
Президент Садыр Жапаровдун Азербайжан Республикасына 24-25-апрелде болгон мамлекеттик сапары аяктады. Сапардын алгачкы күнү Баку шаарында …
Азербайжандын лидери Ильхам Алиев президент Садыр Жапаровго карабак күлүгүн белек кылган. Белек Агдам шаарында Карабах …
Президент Садыр Жапаров бүгүн Баку шаарында Азербайжага болгон мамлекеттик сапарынын алкагында өлкө президенти Ильхам Алиев …
Бүгүн, 24-апрелде, Баку шаарында Кыргызстан менен Азербайжандын президенттери Садыр Жапаров жана Ильхам Алиевдин расмий жолугушуу …
