“Биз кыргыз-казак чек арасындагы тыгындарды болтурбоо үчүн бардык күч-аракетибизди жумшоого макулдаштык”, — деп билдирди Кыргызстандын президенти Садыр Жапаров бүгүн, 26-майда, расмий иш сапары Бишкекке келген казак кесиптеши Касым-Жомарт Токаев менен болгон сүйлөшүүлөрдүн жыйынтыгында.
Садыр Жапаров Казакстандын президенти Касым-Жомарт Токаев менен болгон сүйлөшүүлөрдүн жыйынтыгына канааттангандыгын кошумчалады.
Жапаровдун айтымында, сүйлөшүүлөр салттагыдай эле достук, жылуу маанайда, иштиктүү жана конструктивдүү кырдаалда өттү.
“Саясий, экономикалык жана маданий-гуманитардык мүнөздөгү маселелердин кеңири чөйрөсү талкууланды. Мамилелерди чыңдоого жана андан ары өнүктүрүүгө багытталган бардык багыттар боюнча макулдашууларга жетиштик. Алардын ичинен эки тараптуу мамилелерди мындан ары тереңдетүү жана стратегиялык өнөктөштүктүн жаңы деңгээлине чыгаруу максатында 2003-жылдын 25-декабрындагы Союздук мамилелер жөнүндө келишимди жаңылоо жөнүндө макулдашууну өзгөчө белгилеп кетким келет. Биргелешкен Индустриалдык соода-логистикалык комплексин куруу долбоору боюнча мурда жетишилген макулдашууну ишке ашыруунун алкагында анын курулушуна капсула салынды”, — деди Жапаров.
«Биз өкмөттөрдүн алдына өз ара сооданын деңгээлин 2 млрд АКШ долларына жеткирүү, Биринчи аймактар аралык форумду сапаттуу жана мазмундуу даярдап, өткөрүү, Кыргыз-Казакстан Ишкерлер кеңешинин ишин жандандыруу, биздин чек аралар аркылуу жүктөрдү алып өтүү механизмдерин андан ары өркүндөтүү жана башка маселелер боюнча милдеттерди койдук. Товарларды жана жүктөрдү Казакстан аркылуу өткөрүү маселеси боюнча, чек арадагы тыгындарды болтурбоо жана бул маселе боюнча мурда жетишилген макулдашууларды аткаруу үчүн бардык күч-аракетибизди жумшоо келишимине келдик”, — деп кошумчалады президент.
Бүгүн, 18-апрелде айрым чек ара бекеттеринде өтүүгө убактылуу чектөө кирет. Бул тууралуу УКМКнын чек ара …
Президент Садыр Жапаров бүгүн, 18-апрелде, расмий сапары менен Казакстан Республикасына келди. Бул тууралуу президенттин басма …
Президент Садыр Жапаров бүгүн расмий сапар менен Казакстанга учуп кетти. Бул тууралуу президенттин маалымат кызматынан …
Президент Садыр Жапаров Казакстандын президенти Касым-Жомарт Токаевдин чакыруусу боюнча 18-19-апрелде Казакстанга расмий сапары менен барат. …
11-апрелде төрага Нурланбек Шакиев депутаттарды кыргызча сөздөрдү колдонууга чакырып, ошондой эле шаарларда гана эмес, алыскы …
Президент Садыр Жапаров Азербайжанга мамлекеттик визит менен барат. Бул тууралуу Кыргызстандын тышкы иштер министри Жээнбек …
