Президент Садыр Жапаров 2020-жылдагы октябрь окуяларына быйыл 5 жыл толгонун утурлай, «Кабар» агенттигине кезектеги маегин куруп, ал учурдагы болгон окуяларга токтолгон.
Президент өлкөнү оор кырдаалда колго алган учур, андан кийинки өзгөрүүлөр жана бүгүнкү Кыргызстан тууралуу суроолорго жооп берген.
Жапаров маек берип жатып, бийликке келгенден кийин эмне үчүн мурдагы президенттер менен Дубайда жолугушуу уюштурганын жана ал кадамдын максаты эмне болгонун айтып берген.
«Башкы максатым баарын бир столго олтургузуп, «өтөр өттү, кетер кетти, эми бири-бириңер менен акыйнек айтышпай, тынчыгыла» деген сөздү айтмакмын. Айттым. Ага чейин билесиздер, Акаев менен Бакиев, Атамбаев менен Жээнбеков болуп тарапташтары да тирешип, чабышып, акыйнек айтышып, Кыргызстанда эле эмес, дүйнө жүзүндөгү ЖМКларга чейин чыгып турушчу. Булардын баары жөн кишилер эмес, аздыр-көптүр, жамандыр-жакшыдыр мамлекет башкаргандар. Дүйнөлүк коомчулукка белгилүү болуп калган кишилер. Анан эле баары бири-бири менен чабышып атса, дүйнөлүк коомчулук Кыргызстанда тынч эмес деп ойлойт экен да. Албетте, инвестор келбейт.
Далай ири инвесторлорду көрдүм. Кыргызстан дегенде буйтай качышат экен. Чакырсаң эле «Оо кокуй, силер революция кыла берген, ынтымагыңар жок мамлекетсиңер. Силердин мамлекетке инвестиция салыш коркунучтуу, акча тынчтыкты сүйөт» дешет. Ошондон улам баарын чогултуп айтчу сөзүмдү айттым. Ошондон кийин бири-бири менен урушпай калышты. Тарапташтары да тынчышты. Дүйнөгө Кыргызстанда тынчтык, стабилдүүлүк орноду деп жар салдык.
Дүйнөлүк ММКлар дагы өз өлкөлөрүндө Кыргызстандын мурдагы президенттери бир столго олтуруп, ынтымакка келишти деп жаңылык кылып жазышты. Мына ошондон кийин инвесторлор агылып келе башташты. Бүгүнкү күндө тикелей келген инвестициянын көлөмү эле миллиард долларга жетип жатат. Экономикалык өсүш башталды», — дейт Жапаров.
Президент Садыр Жапаров бүгүн, 22-июнда, Чолпон-Ата шаарында Өзбекстан Республикасынын премьер-министри Абдулла Ариповду кабыл алды. Жолугушуунун …
Президент Садыр Жапаров 18-июнда Чолпон-Ата шаарында Түркиянын Улуу Улуттук Жыйынынын депутаты, Адилеттүүлүк жана өнүгүү партиясынын …
Министрлер кабинети Кыргыз фондулук биржасынын аянтчасында калк үчүн жылдык 17 пайыздык киреше менен мамлекеттик баалуу …
Президент Садыр Жапаров “Кыргыз Республикасынын президентинин администрациясынын ишинин маселелери боюнча Кыргыз Республикасынын президентинин айрым жарлыктарына …
Президент Садыр Жапаров бүгүн, 12-июнда Бишкек шаарында Грузиянын премьер-министри Ираклий Кобахидзе менен сүйлөшүүлөрдүн жыйынтыгы боюнча …
“Ынтымак Ордодо” Кыргызстандын президенти Садыр Жапаров менен Грузиянын премьер-министри Ираклий Кобахидзенин жолугушуусу башталды. Анын алкагында …
