Министрлер кабинетинин төрагасы Акылбек Жапаровдун Өзбекстан Республикасына болгон жумуш сапары аяктады.
Жумуш сапарынын акыркы күнүндө Министрлер Кабинетинин башчысы Акылбек Жапаров Самарканд шаарындагы бир катар айыл чарба ишканаларынын ишмердүүлүгү менен таанышты.
Анда Акылбек Жапаров жана делегация мүчөлөрү “SAG AGRO” күнөскана комплексинин (“In-vitro” лабораториясы) жана жашылча-жемиштердин негизинде тамак-аш азыктарын чыгарган интенсивдүү багбанчылык боюнча “Agromir” кластеринин иши менен таанышты.
“Айыл чарба тармагы ата мекендик экономикада алдыңкы орундардын бирин ээлейт. Ошол себептүү, мамлекет тарабынан дыйкан чарбаларын колдоо, алардын продукциясын экспорттоого көмөк көрсөтүү боюнча бир топ аракеттер көрүлүүдө. Дыйкандардын айыл чарба тармагындагы акыркы технологиялык чечимдерди колдонуусу, өндүрүлгөн түшүмдү кайра иштетүү, таңгактоо жана логистика натыйжалуулукту жана инвестициянын кайтарымын жогорулатууда маанилүү роль ойнойт. Бул жагынан албетте республикабыздын алдыңкы чарбаларынын өз продукциясын тышкы рынокко чыгаруу боюнча Өзбекстан Республикасынын тажырыйбасы биз үчүн кызыктуу”, — деди ал.
Белгилей кетсек, “Agromir” компаниясы Өзбекстан Республикасынын рыногунда лидер болуп эсептелет жана компаниянын шире категориясы боюнча сатуусу 46%га жакын.
“In-vitro” лабораторияларында клоналдык тамырлар жана мөмөлүү дарактардын кыйыштырылган көчөттөрү өстүрүлөт. Өсүмдүктөр илдеттерге жана зыянкечтерге чыдабайт, кургакчылыкка туруктуу, ар кандай климаттык шарттарга ылайыкташкан.
Учурда лабораторияда жаңгак, бадам, шабдалы, алча, өрүк, алмурут, алма сыяктуу мөмөлүү дарактардын клоналдык тамыры жана кыйыштырылган көчөттөрү өстүрүлүүдө.
Белгилей кетсек, Министрлер Кабинетинин башчысынын Өзбекстан Республикасына болгон жумуш сапары 2023-жылдын 8-мартында башталган.
Сапардын алкагында Министрлер Кабинетинин Төрагасы өлкөнүн жогорку жетекчилиги менен бир катар жолугушууларды өткөрүп, анын жыйынтыгында эки тараптуу мамилелерди өнүктүрүү жана инвестицияларды тартуу боюнча 15тен ашуун документке кол коюлду.
Министрлер кабинетинин төрагасы — президенттин администрациясынын жетекчиси Акылбек Жапаров Вашингтондо (АКШ) бир катар каржы институттарынын …
Министрлер кабинетинин төрагасы Акылбек Жапаров Вашингтон шаарына болгон иш сапарынын алкагында АКШнын Эл аралык өнүктүрүү …
Министрлер кабинетинин төрагасы Акылбек Жапаров Ысык-Көл облусуна болгон иш сапарынын алкагында Балыкчы шаарынын Кара-Талаа аймагында …
Министрлер кабинетинин төрагасы Акылбек Жапаров “Кабар” улуттук маалымат агенттигине Кыргызстанда банктар Орусиянын “Мир” карталарын тейлөөнү …
Кыргызстанда курулуштун көлөмү 3 жылдын ичинде жогорку деңгээлге жетти, деп билдирди министрлер кабинетинин төрагасы Акылбек …
Министрлер кабинетинин төрагасы Акылбек Жапаров Ж. Баласагын атындагы Кыргыз улуттук университетинин студенттери жана профессордук-окутуучулар жамааты …
