Бишкек жана Чүй облусунда синтетикалык баңгизатты сатуу каналы аныкталып, баңги синдикатынын активдүү мүчөсү кармалды. Бул тууралуу Улуттук коопсуздук боюнча мамлекеттик комитетинен (УКМК) билдиришти.
Маалыматка ылайык, жеке адамдар тарабынан синтетикалык баңгизаттарды Telegram социалдык тармагындагы интернет-дүкөндөр аркылуу таратуу, анын ичинде мектеп окуучулары үчүн жеткиликтүү болгондугу аныкталган.
Баңгизаттарды таратуунун ыкмаларын документтештирүү боюнча атайын иш-чаралардын жүрүшүндө күн сайын синтетикалык баңгизаттарды сатуу менен алектенип, көптөгөн жаштарды баңгичиликке тартуу боюнча жигердүү иштерди алып барып жүргөн дары-дармек синдикатынын активдүү мүчөсү Я.И. экендиги аныкталган.
Белгилей кетсек, синтетикалык баңгизаттар Кыргызстандын “алтын жаштары” деп аталгандардын арасында кеңири таралып, калктын ден соолугуна коркунуч туудурууда.
2022-жылдын 20-октябрында Бишкек шаарынын аймагында синтетикалык баңгизатынын кезектеги партиясын сатып жаткан жеринен Я.И. кармалып, андан ар кандай түрдөгү синтетикалык баңгизаттары алынган. 22-октябрда Бишкек шаарынын Биринчи май райондук сотунун чечими менен Я.И. эки айлык мөөнөткө УКМКнын тергөө камак жайына камакка алуу түрүндө баш коргоо чарасы тандалган.
Учурда козголгон кылмыш ишинин алкагында баңгизаттарды сатуу каналына тиешеси бар башка адамдарды аныктоо боюнча кошумча чаралар көрүлүүдө.
Тергөө жүрүп жатат.
“Telegram”мессенджери аркылуу синтетикалык баңги заттарды сатууга көмөктөшкөн криптовалютанын ээлери кармалды. Бул тууралуу УКМКдан кабарлашты. Маалыматка …
Бишкекте баңгизат сатып жүргөн жаран кармалды. Бул тууралуу Бишкек шаардык ички иштер башкы башкармалыгынан билдиришти. …
Ош шаарында мугалим баңгизат сатууга шектелип кармалды. Бул тууралуу Ички иштер министрлигинен билдиришти. Маалыматка ылайык, …
Жазаларды аткаруу кызматынын түзөтүү мекемесине баңгизатын жашыруун алып өтүү аракетине бөгөт коюлду. Ведомстводон белгилешкендей, ЖАК …
Ысык-Көл районунда жергиликтүү тургундун үйүнөн 11 кг баңгизат табылды. Бул тууралуу облустук милициядан билдиришти. Маалыматка …
Ысык-Көл облусунун эки тургуну баңгизат сатууга шектелип кармалды. Бул тууралуу Ички иштер министрлигинин басма сөз …
