ЖЭБдеги кырсыктын кесепетин жоюуга 900гө жакын адам тартылды

Бишкек Жылуулук электр борборундагы өзгөчө кырдаалдын кесепеттерин жоюуга жалпы 870 адам, 43 техника тартылды.

Ыкчам штабдын маалыматына караганда, анын ичинен:

• ӨКМден 133 куткаруучу;
• 17 техника;
• 6 суу сордуруучу мотопомпа;
• дрон;
• 12 жылыткыч;
• 10 чатыр.

Өзгөчө кырдаалдар министрлиги тарабынан учурда:

• авариядан улам жабыркаган имараттын аймагын тазалоо иши жүрүүдө;
• ЖЭБди имаратын жылуулоо максатында 50 000 м2 полиэтилен пленкасы алынып, куткаруучулар жылуулоо ишин аткарышууда;
• ЖЭБдин ичиндеги сууну сордуруу иши жүрүүдө;

Ошондой эле жалпы кызматкерлер үчүн жылууланган 10 чатыр даярдалып, анын 4ү тигилген.

Жеринде мындан сырткары, жергиликтүү жарандык коргонуу кызматтарынан 405 кызматкер 21 техника курулуш компанияларынан 338 куруучу 5 техника ЖЭБдин имаратын калыбына келтирүү ишине көмөктөшүүдө.