Кыргыз Республикасынын президенти Сооронбай Жээнбеков Кытай Эл Республикасынын төрагасы Си Цзиньпинди туулган күнү менен куттуктады. Бул тууралуу президенттин аппаратынын маалыматтык саясат бөлүмү билдирет.
«Сиздин кесипкөй, турмуштук бай тажырыйбаңыз достук мамиледеги Кытайдын туруктуу өнүгүшүн бекемдөөгө максатталган ийгиликтүү мамлекеттик ишмердигиңиздин бекем негизи болуп саналат.
Сиздин иш билги жетекчилигиңиздин астында Кытай COVID-19 коронавирус инфекциясынын жайылышы менен күрөшүүдө өзүнүн бардык күчтөрүн бир арага топтоп, чоң ийгиликтерге жетишти.
Ошону менен бирге Кытай Эл Республикасы коронавирус менен күрөшүүдө Кыргыз Республикасына маанилүү гуманитардык жардам көрсөткөндүгү үчүн чын дилимден ыраазычылык билдирем. Дүйнөдө коронавируска байланыштуу кырдаал мурдагыдай эле өтө оор абалда, бирок, ага карабастан, жалпы күч-аракеттерибиз менен бул илдетти жеңебиз деп ишенем.
Ак ниет коңшулукка, достукка, ар тараптуу стратегиялык өнөктөштүккө негизделген кыргыз-кытай мамилелери кыйшаюусуз өнүгөөрүнө жана эки элдин келечеги үчүн бекемделерине терең ынанам», — деп айтылат куттуктоо телеграммасында.
Сооронбай Жээнбеков Си Цзиньпинге бекем ден соолук, бакубатчылык жана мамлекеттик ишмердигине чоң-чоң ийгиликтерди, ал эми достук мамиледеги Кытай элине тынчтык жана өсүп-өнүгүүнү каалады.
Жогорку Кеңештин депутаты Акылбек Түмөнбаев бүгүн, 28-февралдагы жалпы жыйын учурунда Сооронбай Жээнбековду экс-президент макамынан ажыратууну …
Президент Садыр Жапаров Кытай Эл Республикасынын төрагасы Си Цзиньпинге өлкөнүн Ганьсу жана Цинхай провинцияларында жер …
ЖАПАРОВ “АСМАНДЫН” КУРУЛУШУНА СТАРТ БЕРЕТ Президент Садыр Жапаров 30-июнда Ысык-Көлдүн жээгинде заманбап Асман экошаарынын курулушуна …
Президент Садыр Жапаров бүгүн Кытай Эл Республикасынын төрагасы Си Цзиньпинди 70 жылдык мааракеси менен куттуктады. …
Президент Садыр Жапаров бүгүн, 18-майда, Кытай Эл Республикасына болгон мамлекеттик сапарынын алкагында Сиань шаарында КЭР …
Президент Садыр Жапаров бүгүн. 10-мартта, Си Цзиньпинди Кытай Эл Республикасынын төрагасы, ошондой эле Кытай Эл …
