Кара-Суу районунун Папан айыл өкмөтүнүн Кожо-Келең айылында 9-июнь күнү жер көчкү коркунучу пайда болгон. Бул тууралуу ӨКМ билдирди.
Маалыматка ылайык, КР ӨКМдин Өзгөчө кырдаалдарга мониторинг жүргүзүү жана божомолдоо департаментинин адистери жана Кара-Суу району боюнча Өзгөчө кырдаалдар бөлүмүнүн офицерлери тарабынан жеринде изилдөө иштери жүргүзүлүп, көзөмөлгө алынган. 15-июнь күнү Кожо-Келең айылынын айыл башчысы тарабынан кайрадан жер көчкү активдеше баштагандыгы боюнча маалымат берилген.
«Изилдөө иштеринин негизинде аталган аймакта болжол менен 1990-жылдан баштап, 2005-жылга чейин «Ала-Тоо» көмүр кени тоонун түбүнө үңкүр кылып, жер астында табигый таштан жана көмүрлөрдөн түркүктөр (опора) коюлуп казылган.
2022-жылдан баштап «Сага-Мага» ЖЧК тарабынан кайрадан көмүр кен казуу иштери башталган. Жер көчкү кайрадан активдешип, жер кыртышы 12-13 метрге чейин отура баштаган. Жер көчкүнүн болжолдуу көлөмү 100 00 м3 түзүүдө. Акырындык менен жылуу процессинде турган жер көчкүнүн алдында 5 турак үй жайгашкан. 15-июнь күнү 5 турак үйдө жашаган 39 жаран убактылуу туугандарынын үйлөрүнө коопсуз жайга эвакуацияланган»,-деп жазылат маалыматта.
Папан айыл өкмөтүнүн кайрылуусунун негизинде Кыргыз Республикасынын Өзгөчө кырдаалдар министрлиги тарабынан 16-июнь күнү 10 орундуу 6 даана чатыр бөлүнүп берилип, коопсуз жерге орнотулган. Андан сырткары, Улуттук Кызыл Ай коому тарабынан ар бир үй-бүлөгө күнүмдүк керектелүүчү эмеректер (идиш, кир жуучу каражаттар, жылытуу меши жана жууркан-төшөктөр) жеткирилип берилгени белгилүү болду.
ӨКМ сел каптаган аймактар тууралуу акыркы маалыматтар менен бөлүштү. Ага ылайык: Кара-Кулжа райондук № 66 …
Ош облусунун Кара-Кулжа районунун Мырзаке-Кара-Кулжа-Алайкуу автоунаа жолунун 41-чакырымында унааны сел агызып, бир адам каза болду. …
Ош облусунун аймагында 16-апрелде саат 19:29да очогунда күчү 3,5 баллга жеткен жер титирөө катталды. КР …
Ош шаарынын шаардык перинаталдык борборунда 3-апрелде төрөт учурунда жаш келин каза болду. Бул тууралуу Саламаттык …
Орозо айт намазы 10-апрелде Ош шаарындагы борбордук аянтта окулат. Бул тууралуу Ош мэриясынан билдиришти. Маалыматка …
Ош шаарында 24-мартка караган түнү жылуулук берүү токтотулду. Тиешелүү буйрукка Ош шаарынын мэри Бакытбек Жетигенов кол койду. …
