Жергиликтүү бийлик органдары тийиштүү аймактарда талап кылынган санитардык-эпидемиологиялык эрежелерди сактоо менен экономикалык ишмердүүлүктүн түрлөрүн жандандыруу маселесин чечүү ыйгарым укугуна ээ болушат. Бул тууралуу вице-премьер-министр Эльвира Сурабалдиева Республикалык ыкчам штабдын кезектеги кеңешмесинин жүрүшүндө билдирди.
Кеңешмеде өлкө аймактарындагы эпидемиологиялык абал талкууланып, жаңы ооруканалардын курулушунун жүрүшү, алардын тийиштүү медициналык жабдуулар жана инвентарлар менен жабдылышы маселеси каралды.
«Медициналык мекемелерди куруу жана жабдуу боюнча иштердин жыйындысын өз мөөнөтүндө жыйынтыктоо маанилүү. Аталган маселеге өзгөчө басым жасоону өтүнөм. Мындан тышкары, аймактардын жетекчилери алынган гуманитардык жардамдар жана анын бөлүштүрүлүшү боюнча тыкыр маалыматтарды сунуштоосу зарыл. Алынган көмөктүн так эсеби жана талдоосу болушу зарыл», — деди ал.
Республикалык ыкчам штабдын мүчөлөрү жалпы билим берүү мекемелеринин, кинотеатрлардын жана бир катар экономикалык ишмердүүлүк түрүнүн ишин жандандыруу маселесине токтолушту.
Белгиленгендей, Кыргыз Республикасынын өкмөтү экономикалык ишмердүүлүктү жандандыруу максатында 2020-жылдын 1-декабрынан тарта жергиликтүү бийлик органдарына тийиштүү аймактарда талап кылынган санитардык-эпидемиологиялык жана башка эрежелерди сактоо менен экономикалык ишмердүүлүктүн түрлөрүн жандандыруу маселесин чечүү ыйгарым укугун берүүнү сунуштайт.
«Мында беткап тагынуу режими, социалдык обочолонуу жана башка санитардык-эпидемиологиялык эрежелер сөзсүз түрдө сакталышы керек. Тармактык мамлекеттик органдар тарабынан жер-жерлердеги оорунун күч алуу жана медициналык мекемелерге жүктөм деңгээлине жараша эпидемиологиялык абалдын коопсуздугун көзөмөлдөө боюнча тийиштүү алгоритмдер иштелип чыгат. Республикалык ыкчам штаб COVID-19 боюнча аймактардагы абалды көзөмөлгө алат», -деди вице-премьер-министр.
Эльвира Сурабалдиева ошондой эле алдыдагы жаңы жылдык майрамдарда жамааттык иш-чараларга чектөө киргизүү, же андан толук түрдө баш тартуу маселесин иликтеп чыгуу зарылдыгын белгиледи.
Жогорку Кеңештин депутаты Элвира Сурабалдиева Беларуста баш калкалап жүргөн мурдагы президент Курманбек Бакиевдин жаңы маегине …
Бишкекте ЖМКларга жана сөз эркиндигине басым жасоо: «Анык эмес (жалган) маалыматтан коргоо жөнүндө мыйзамдын иш …
Бүгүн, 24-ноябрда Жогорку Кеңештин жыйында УКМК төрагасы Камчыбек Ташиев депутат Эльвира Сурабалдиеванын айткандары боюнча жооп …
«Азыр Кемпир-Абад боюнча келишимге каршы добуш берген депутаттарды коркутуп-үркүтүү болуп жатат». Мындай билдирүүсүн депутат Эльвира …
Жогорку Кеңешке өткөн жылдын 29-декабрында төрага болгон Талант Мамытовдун бүгүн кызматын өз каалоосу менен тапшырды. …
Каракол шаарындагы 30 жылдан ашуун иштебей турган кинотеатр ишке кирет. Бул тууралуу Ысык-Көл облусун өнүктүрү …
