Орусиянын Ульяновск облусундагы жол кырсыгында каза болгондордун сөөгү Кыргызстанга алып келинди.
Такталган маалымат боюнча “ЖҮК-200” атайын борту саат 17:25те Ош шаарындагы аэропортуна конду. Мекендештерибиздин сөөгүн кичи мекенине чейин жеткирүү милдети Өзгөчө кырдаалдар министрлигине жүктөлгөн.
Эске салсак, 21-августта Ульяновскидеги катуу жол кырсыгында 16 адам каза болгон, алардын 14ү кыргыз жараны экени такталган. Дагы үч адам ооруканада жатат.